بداية الدراسة 2013-2014

علوم المنصورة 

في أول يوم دراسة نزلت الكلية عشان أجيب شهادة تخرج ليا ،، قبلها بيوم توقعت اني هنزل هلاقي الكلية مليانة طلاب ، وبالفعل نزلت ولقيتها ماليانة على اخرها كنت حاسة ان كل الطلبة نزلوا من بيوتهم ^_^  ^_^ وكأنه أول يوم في المدرسة :D
تعمدت أني أشوف دفعة سنة أولى علوم أشكالهم إيه :D .. لقيت العيال حلوووووووووين جد ا وخصوصا الشباب ;) ;) ;) جايين من أوروبا دول ولا أيه :D شعر بني أوأصفر وبشرتهم بيضاء وملامحهم صغيرة ، حتى اللي شعره أسود حلوين ، كنت محتارة أبص لمين ولا مين ههههههههههههه ..

البنات برضو حلوين بس أووووووووفر جدا في لبسهم وعمالين يلفوا على الدكاترة ويجيبوا الجدول ويشتروا الكراريس والكتب "دحيحة من أول يوم " :D
و بنات تانين واقفين عند الكافيتيريا وأكيد كلهم واقفين يبصوا و يعاكسوا في الشباب :) 
وأنا ماشية بتلفت على كل دول ،، لقيت مظاهرة لطلاب الاخوان كلها بنات ميكملوش 50 واحده بيهتفوا ضد الضبطية القضائية "شوية سياسة بقى " ، واللي رايح واللي جاي ماشي يتريق عليهم :D .. أحسن تستاهلوا :P عموما انا طلعت جيبت شهادتي ونزلت ملاقيتش حد منهم !!

رحت قسمي العزيز كنت عايزة أشوف دكاترتي اللي بحبهم وغاليين عليا بس للأسف ملقيتش حد :( سيبت الجامعة ورحت أكمل مشاوير وراية ،، لقيت كافيتيريا كلية علوم وزراعة مشغلين أغنية " تسلم الأيادي " وأكيد دي اللي طفشت المظاهرة :D :D .. بقيت ماشية ومبسوطة وانا بسمعها عشان الاخوان بتحرقهم أوي الاغنية دي :P
فضلت ماشية بين الكليات وعند كلية هندسة أصابتني الدهشة من الفسفوري :( :( فسفوري فسفوري و واحدة لابسة خمار برتقاني فسفوري O: ،، عجايب !!!!
فضلت ماشية بتلفت على الاشكال الجديدة في كل الكليات وأقول بيني وبين نفسي " حبايبي بكرة هتشوفوا أيام حلوة " :D  لغاية م خلص طريقي في الجامعة وطلعت على مشواري " طبعا مش لازم تعرفوا كنت رايحة فين " :P :D ...
بس طبعا بعد مشوفت العيال الحلويين اللي في علوم دول ، أنا عايزة ارجع صغيرة تاني وأقدم في سنة أوووووووووووووووولى ههههههههههههه :D


تعليقات